Իրանում մահապատժի է ենթարկվել 2023 թվականին Թեհրանում Ադրբեջանի դեսպանատան վրա կատարված զինված հարձակման հեղինակը։ Այս մասին այսօր տեղեկացրել է Իրանի դատական համակարգի մամուլի ծառայությունը։
Նույն աղբյուրի փոխանցմամբ՝ դատավճիռն ի կատար է ածվել այսօր առավոտյան, այն բանից հետո, երբ Իսլամական Հանրապետության գերագույն դատարանը հաստատել է առաջին ատյանի դատարանի վճիռը։
Իրանում Ադրբեջանի դեսպանության դեմ հարձակումը տեղի էր ունեցել 2023 թվականի հունվարի 27-ին, դրա հետևանքով սպանվել էր դիվանագիտական ներկայացչության անվտանգության ծառայության պետը, նրա երկու ենթակաները հրազենային վնասվածքներ էին ստացել։
