Հայաստանի պաշտպանության նախարար Սուրեն Պապիկյանն առանձնազրույց է ունեցել Իրանի պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի հետ։
ՊՆ-ից հաղորդում են, որ առանձնազրույցին հաջորդել է պատվիրակությունների ընդլայնված կազմով հանդիպումը։
Նախարարները բարձր են գնահատել պաշտպանության բնագավառում երկու երկրների միջև համագործակցության մակարդակը։ Քննարկվել են Հայաստանի ու Իրանի միջև համագործակցության ընթացքին վերաբերող հարցեր:
Պապիկյանն ու Նասիրզադեն անդրադարձել են նաև տարածաշրջանային ու միջազգային անվտանգությանն առնչվող մի շարք հարցերի:
Իրանցի նախարարի գլխավորած պատվիրակությունն այսօր է ժամանել Երևան:
Մինչ այդ՝ երեկ, Լեռնային Ղարաբաղի տարածքում մեկնարկել են Ադրբեջանի ու Իրանի համատեղ զորավարժությունները:
