Ռումինիայի նախագահական ընտրությունների երկրորդ փուլում պարտված ազգայնական թեկնածու Գեորգի Սիմիոնը բողոքարկելու է դրանց արդյունքները։ Այս մասին նա հայտարարել է երեքշաբթի երեկոյան Բուխարեստում՝ նշելով, որ արդեն առաջիկա օրերին կդիմի Ռումինիայի Սահմանադրական դատարան։
Սիմիոնի խոսքով՝ Բուխարեստի քաղաքապետ Նիկուշոր Դանի հաղթանակը ընտրությունների երկրորդ փուլում պետք է չեղարկվի, քանի որ նրա օգտին միջամտել են մի շարք օտար պետություններ՝ նախ և առաջ Ֆրանսիան։
Ավելի վաղ Telegram-ի սեփականատեր Պավել Դուրովը հայտարարել էր, որ ֆրանսիական հատուկ ծառայությունները դիմել էին իրեն՝ «ռումինացի ազգայնականների գրառումները սահմանափակելու» խնդրանքով։
