Վրաստանի պետական անվտանգության ծառայության հայտարարության համաձայն՝ «ռուսական ուժերի ներկայացուցիչները ապօրինաբար ձերբակալել են» Վրաստանի երեք քաղաքացիների Հարավային Օսիայի հետ վարչական սահմանին գտնվող Խուրվալեթի գյուղի մերձակայքում։
Ծառայության տվյալներով՝ ձերբակալվածներից մեկն արդեն ազատ է արձակվել և գտնվում է Վրաստանի վերահսկողության տակ գտնվող տարածքում։ Մյուս երկուսն այս պահին շարունակում են գտնվել կալանքի մեջ։
Դեպքի վերաբերյալ տեղեկություն ստանալուց անմիջապես հետո գործի է դրվել «թեժ գիծը»՝ Եվրոպական միության դիտորդական առաքելության մասնակցությամբ։ Տեղեկատվությունն ուղարկվել է նաև Ժնևյան միջազգային քննարկումների համանախագահներին և միջազգային գործընկերներին։
ՊԱԾ-ը հայտարարում է, որ օգտագործվում են բոլոր հասանելի մեխանիզմները՝ ձերբակալված քաղաքացիների հնարավորինս արագ ազատումը ապահովելու համար։
Միջադեպի վերաբերյալ ինքնահռչակ Հարավային Օսիայի իշխանությունները մեկնաբանություն չեն արել: