Միրզոյան-Լավրով հանդիպմանը զուգահեռ ԱԳՆ-ի դիմաց բողոքի ակցիա է ընթանում:
«Հանուն Հանրապետության» ղեկավար Արման Բաբաջանյանը, Եվրոպական կուսակցության նախագահ Տիգրան Խզմալյանը, իրավապաշտպան Արթուր Սաքունցը և մյուսները Ռուսաստանի արտգործնախարարի ու նախագահ Վլադիմիր Պուտինի նկարների վրա «Մարդասպաններ» գրությամբ պաստառներով կանգնած են շենքի դիմաց:
Նրանց հետևում ոստիկաններն են:
Ուժայինները ակցիայի մասնակիցներին հորդորեցին հեռանալ այդ հատվածից և ակցիան շարունակել դիմացի մայթում, սակայն Բաբաջանյանը չհամաձայնեց: Հրմշտոց սկսվեց, ոստիկանները հավաքվածներին հրեցին դիմացի մայթ:
Սերգեյ Լավրովը երեկ է ժամանել Հայաստան:
Ռուսաստանի արտգործնախարարի այցին ընդառաջ Արման Բաբաջանյանի գլխավորած «Հանուն Հանրապետության» կուսակցությունը երեկ ևս բողոքի ակցիա է իրականացրել:
Լավրովը մայիսի 21-ին հանդիպումներ կունենա նաև վարչապետ Նիկոլ Փաշինյանի, նախագահ Վահագն Խաչատուրյանի հետ:
