«Սիրիան նոր քաղաքացիական պատերազմի շեմին է», - Սենատի արտաքին հարաբերությունների հանձնաժողովի նիստի ընթացքում հայտարարել է Միացյալ Նահանգների պետքարտուղար Մարկո Ռուբիոն։
«Մեր գնահատականն այն է, որ հաշվի առնելով այն մարտահրավերները, որոնց բախվում է Սիրիայի անցումային կառավարությունը, դրա հնարավոր տապալումը անգամ ոչ թե ամիսների, այլ շաբաթների հարց է։ Դա, իր հերթին, կարող է հանգեցնել աննախադեպ լայն ծավալների քաղաքացիական պատերազմի և ըստ էության երկրի մասնատման», - նշել է ամերիկյան դիվանագիտության ղեկավարը։
