Միացյալ Նահանգները բանակցում է Թեհրանի հետ, որովհետև «մեր դեմ սահմանված նրանց պատժամիջոցները արդյունավետ չէին», այսօր Շիրազ քաղաքում կազմակերպված համաժողովի ընթացքում հայտարարել է Իրանի ԱԳ նախարար Աբաս Արաղչին։
«Ամերիկացիները հիասթափված են, որ իրենց դաժան պատժամիջոցների հետևանքով ոչ Իրանի ժողովուրդը, ոչ էլ կառավարությունը չընկրկեցին։ Եթե նրանք համոզված լինեին, որ մեզ հնարավոր է ծնկի բերել, հաստատ չէին բանակցի»,- պնդել է Արաղչին։
Վաշինգտոնի և Թեհրանի միջև Իրանի միջուկային ծրագրին նվիրված բանակցությունների 5-րդ փուլը տեղի կունենա Հռոմում՝ մայիսի 23-ին:
